നാട്ടില് വികസനം വരുന്നെന്ന് എല്ലാരും പറഞ്ഞപ്പോള് ഞങ്ങള് ഏറെ സന്തോഷിച്ചു.
ഞങ്ങളുടെ ഗ്രാമവും പുരോഗതിയുടെ നെറുകയിലേക്ക്.!!
എന്നാല് അതിന് ഈ റോഡ് വീതി കൂട്ടണമെന്ന്.!!
സർവ്വേ നടത്താനായി ഏമാന്മാർ എത്തി.
“പ്രായമായ പെണ് മക്കളുമായി നമ്മള് എങ്ങോട്ടിറങ്ങും ?"
അമ്മയുടെ വാക്കുകള് കേട്ടപ്പോഴാണ് ചോരനീരാക്കി വിയര്പ്പൊഴുക്കി കെട്ടിപ്പടുത്ത ഈ ചെററക്കുടില് നഷ്ടമാവുമെന്ന ചിന്ത മനസ്സില് വന്നത്.! ഇടറിയ വാക്കുകള് തൊണ്ടയിലുടക്കി വൃദ്ധ പിതാവ് കണ്ണീരണിഞ്ഞു !!.
ജെ.സി.ബിയുടെ ഇരുമ്പു ദ്രംഷ്ടങ്ങള് തങ്ങളുടെ വീടിനെ ഉന്നം വെച്ച് ഒരു ഭീകര ജീവിയായ് പാഞ്ഞടുക്കുമ്പോള് ....തൊട്ടടുത്ത കവലയില് നോട്ടുമാലകള് ഏറ്റുവാങ്ങി , നാടിന്റെ വികസനത്തെ കുറിച്ച് വാതോരാതെ പ്രസംഗിക്കുകയായിരുന്നു നമ്മുടെ മന്ത്രിപുംഗവന്!!!
